රසවත් ආකාරයට වැලිතලප හදන හැටි

        

     

වැලිතලප 

            රසවත් ආකාරයට වැලිතලප සාදාගන්නා ආකාරය පිළිබඳව මෙහිදී පැහැදිලි කරනු ලැබේ.මෙය සාදා ගැනීම සඳහා 

 

 අවශ්‍ය ද්‍රව්‍ය :-

                          1.හාල් පිටි 500g

                          2.පොල් ගෙඩියක්

                          3.පැණි කෝප්ප 1

                          4.අවශ්‍ය නම් සීනි

                          5.එනසාල් ( කරදමුංගු)

                          6.ලුණු ස්වල්පයක් 

සාදන ක්‍රමය:- 

  • පිටි,ලුණු,ගාගත් පොල් හා  අවශ්‍ය පමණට ජලය ගෙන භාජනයකට එක් කර හොඳින් පිටි කැටි වනතුරු අනාගන්න.(කැට කැට සිටින ලෙස)

  • ස්ටීමරයක් ගෙන ලිප මතින් තබා ගින්දර දමා ගන්න.

  • දැන් පිරිසිදු පොප්ලින් වැනි රෙදි කැබැල්ලක් ගෙන, කැටි කර ගන්නා ලද පිටි මිශ්‍රණය එය මත තබා රෙදි කැබැල්ලේ කොන් හොදින් නොගැලවෙන සේ ගැට ගසාගන්න.

  • ලිපෙහි තැබූ ස්ටීමරය තුළ එය තබන්න.මිනිත්තු 30 ක් පමණ (පිට්ටුවක් තැම්බීමට ගත වන කාලය) තබා ලිපෙන් බාගන්න.නැවත ලිපෙන් බාගත් පිට්ටුව පොඩි කරගන්න.

 • දැන් සාස්පානක් හෝ තාච්චියක් වැනි දෙයක් ලිප මත තබා එයට පැණි හා අවශ්‍ය නම් සීනි ටිකක් එක් කර හැඳි ගාමින් උණු කරන්න.කැමති නම් ඔබට එනසාල් එක්කර ගත හැක.

 •  බුබුළු දමමින් හොඳින් රත් වූ පසු කලින් අප විසින් තම්බා ගන්නා ලද පිට්ටු  මිශ්‍රණය එයට දමා හොඳින් කලවම් කර ගන්න.මතක් කරල මේ අවස්ථාවේදී ලිපේ ගින්දර අඩුවෙන් තියාගන්න.

• හොඳින් කලවම් වූ පසු බන්දේසියකට දමාගෙන හොඳින් තුනී කරගන්න.දැන් එය කැබලි කපා ආහාරයට ගත හැකිය.