රසපිරි අඹ චට්නියක් හදමු
අද අපි හදන්න යන්නේ රස පිරි අඹ චට්නියක්.
අවශ්ය ද්රව්ය
- පොඩියට කපාගත් පැහුණු අඹ ගෙඩි 3ක්
- විනාකිරි බෝතලයක් (පොඩි)
- සීනි ග්රෑම් 500
- ඉඟුරු ග්රෑම් 10
- සුදුළූණු ග්රෑම් 20
- මිරිස්කුඩු මේස හැඳි 2
- කරදමුංගු ග්රෑම් 2
- කරාබු නැටි 4-5
- කුරුඳු පොතු කෑල්ලක්
- ලුණු තේ හැඳි 1
- වියළි මිදි ග්රෑම් 25
දැන් අපි බලමු කොහොමද අඹ චට්නිය හදන්නේ කියලා.
- මුලින්ම විනාකිරි කෝප්ප භාගයක් එක්ක කුළුබඩු ටික බ්ලෙන්ඩ් කරගන්න. තව විනාකිරි කෝප්ප භාගයක් එක්ක සීනි ටික දාලා ලිපේ තියන්න.
- අඹ කෑලි ටික විනාකිරි, සීනි මිශ්රණයට දාගෙන හොඳට හැඳි ගාන්න. සාමාන්ය ගින්දරේ උකු ද්රාවණයක් වෙනකල් හැඳි ගාන්න.
- දැන් මේකට වියලි මිදි හා බ්ලෙන්ඩ් කරගත් කුළුබඩු ටික දාගෙන තෙත ගතිය හිඳෙනකල් හැඳි ගාන්න.
- වැඩි කාලයක් තියාගන්න නම් ජීවාණුහරණය කරපු බෝතල් වලට උණුවෙන්ම දාගෙන සීල් කරගන්න
